E cantidad di pashent di coronavirus riba cuido intensivo (ICU) pa prome biaha desde fin di maart ta menos cu mil, asina Ernst Kuipers, presidente di Landelijk Netwerk Acute Zorg (LNAZ) a bisa. E cantidad di pashentnan den ICU a baha desde diahuebs cu 45 hende y awo ta na 963.
Den e departamentonan di cuido intensivo di Hulanda tin 922 pashent y na esun di Alemania tin 41. Den e ultimo 24 ora tabatin traslado di 7 entre e region y 3 di nan tabata na un ICU. No a hiba niun hende pa Alemania.
Segun Kuipers ta spera cu e cantidad di pashentnan di Coronavirus den ICU lo baha den e siguiente dos siman te cu 500. Tin 388 pashent cu tin otro enfermedad cu no ta COVID-19 cu ta den ICU. E bahando di pashentnan di Coronavirus riba ICU segun Bas Leerink, presidente di Landelijk Coördinatiecentrum Patiënten Spreiding (LCPS), ta duna mas espacio pa cuminsa duna cuido na pashentnan cu no tin COVID.
Pa percura cu e hospitalnan ta na altura por ehempel di aumento admision, ainda ta trahando riba e plataforma nacional pa coordinacion. E plataforma digital aki mester funciona manera un sistema di advertencia pa hospitalnan.
E departamentonan di ICU ainda ta draai cu mas di 100% di capacidad normal, asina Kuipers a bisa. P’esey segun e mester tene cuenta cu e Coronavirus “lo ta cu nos pa un tempo largo,” ainda por bin pieknan nobo di hendenan hospitalisa.
Cu e bahada sigui, lo ta un “situacion special” di posibel inclui personanan di otro paisnan den e departamentonan Hulandes si mester ayudo. Por ehempel, a bin cu acuerdo cu Hulanda lo yuda pashentnan Aleman, ya cu e cuido intensivo di Alemania ta yudando pashentnan Hulandes, segun Leerink. “Ainda nos ta atras den cuido di no di COVID, cual nos mester update. Pero emergencia ta riba ley,” Kuipers a bisa.
