Pa mas o menos 5:00pm a sosode un accidente riba e caminda principal di Playa pa San Nicolas na altura di Isla di Oro na Pos Chikito.
Dos pick-up a dal tras di otro. Den e pick-up patras tabatin un mucha cu a resulta herida. E conocido deportista Sarah-Quita Offringa tabata na stuur di e pick-up dilanti.Pa un of otro motibo, e pick-up patras no a logra maneha su velocidad bon y a da tras di e pick-up su dilanti. Ambulance a presenta na e sitio y a brinda asistencia na e mucha envolvi.
E daño na e dos pick-upnan no tabata mucho. Sarah-Quita Offringa di 28 aña di edad a gana e titulo di campeon mundial di PWA Women’s Freestyle World Championship hunto cu e premio maximo di PWA Slalom World Championship.Pa casualidad a nota cu den su baki di pick-up e tabatin su ekiponan di surf. Probablemente e tabata riba ruta pa ensaya, ora cu un pick-up a bin dal su tras.
