Den fin di siman Garage Cordia a tene nan evento di test drive e auto nobo Toyota Rush. Desde oranan trempan clientenan a yega Garage Cordia pa asina test e Toyota Rush y esey a haci cu e dia tabata uno fantastico. Garage Cordia a introduci e Toyota Rush nobo durante e evento di test drive, cual tur hende por a test tambe e otro autonan.
Desde momento cu a introduci e Toyota Rush, ya 5 cliente a subi den dje pa test drive y mas a keda bin, asina Alvin Thijsen, Sales Manager Garage Cordia, a indica. Empleadonan di Garage Cordia a ricibi tremendo feedback. Clientenan cu a yega den fin di siman no solamente tabata presente p’e Toyota Rush, pero tambe a busca informacion di tur auto cu Garage Cordia tin di ofrece.
Famianan a yega pa mira si nan tur por drenta den Toyota Rush, pasobra e tin 3 rij di stoel y tur hende por sinta comodamente den dje. Pa Garage Cordia tabata un satisfaccion di ricibi feedback positivo di su clientela sea riba e auto of e prijs.
Mike Raymond tabata na Garage Cordia buscando e auto perfecto p’e y a test drive e Toyota Rush. E auto aki pa Mike Raymond ta uno bunita y espacioso cu features bon manera e back up camera y confortabel. E Toyota Rush tin su beneficio pa un famia grandi, pasobra e auto ta pa 7 hende. “Si ta bo so ta core, bo ta coriendo un auto hopi confortabel y na un tremendo prijs”, Mike Raymond a indica.
Cliente Leo Geerman tambe a test drive e Toyota Rush, unda cu el a ricibi diferente informacion for di representante di Garage Cordia. “Bin na Garage Cordia y bin test e Toyota Rush. Mi a bin test e y e ta hopi confortabel, e ta core masha dushi mes riba caminda”, Leo Geerman a expresa. Coriendo e Toyota Rush el a sinti su mes safe y esunnan cu tin famia, e auto aki ta uno ideal pa nan.
A funda Garage Cordia Aruba na Juli 1965 ora cu a bestel e prome 12 autonan di marca Toyota pa nos isla. Awendia, despues di mas cu 50 aña, keto bay e compania tin e record di a bende mas auto den historia di nos pais, tanto como agencia como tambe e marca Toyota. Nan ta conoci specialmente pa e bon calidad di e autonan, pero sin lubida cu nan ta e unico cu tin un surtido grandi di piesa pa drecha of ora di “service” e vehiculonan.
