Den caya grandi a sosode un confrontacion cu a caba na detencion. Un homber a bay menasa su ex-pareha na pia di trabou bou grito y insulto. Mesora a yama polis pa presenta na sitio.
Esaki a tuma luga den Caya Grandi na Playa durante e drukte di shopping. E homber toxico a drenta establecimento y menasa su ex-pareha seriamente. Na momento cu el a scucha cu ta bay yama polis, e homber a pasa man pa e telefoon y zwaai esaki bon pida leu.
Testigonan a tuma nota di locual tabata pasando y a yama polis na sitio. Pa su mala suerte diferente polis na pia tabata cerca y a bin atende cu e homber aki. Por a mira cu e ex-pareha tabata basta spanta pero asina mes a pone denuncia contra su agresor.
A pidi transport pasobra a deten’e. Tur esaki den bista di tur cu tabata di compras den Caya Grandi.
