Diadomingo un tiki despues di 4’or y mey di atardi, a drenta informacion cu na un adres na Pos Chikito un persona lo a yega y menasa e habitantenan cu un arma blanco.
Mesora varios patruya a bay na e sitio, sinembargo e sospechoso a bandona e sitio. Despues cu a haya descripcion di e sospechoso, patruyanan a cuminsa buska den becindario, mientras tanto un patruya a keda na e percela, hayando asina informacion di loke a pasa.
Te asina leu no ta conoci kico por ta e motibo di e menasa aki, ni tampoco si e persona aki ta uno desconoci of conoci pa e famia.
Desafortunadamente, polis no a logra topa cu e sospechoso durante su buskeda.
