Diabierna anochi un ciudadano a sigui un Toyota Tercel for di Hooiberg te Playa. El a yama polis pa e chauffeur di e Tercel y notifica nan cu e ta core malo. Berdad, den Havenstraat polis a logra para e auto.
Pa prome, e chauffeur no tabatin un rijbewijs valido den su poder. E auto ta na werki, sla tur caminda y windshield por poco ta cay den otro. Debi na su comportacion, a opta pa haci un test di alcohol cu ne. El a surpasa e limite permiti, pa cual a detene mesora. E detencion no a bay facil. E homber a flip ora cu polis a bay hinc’e den e transporte policial.
El a perde cabes mirando cu su pareha a coy su telefon den beslag. El a sclama e polisnan pa no laga e pareha cu su telefon. Polis a logra confisca e telefon for di e pareha. Na final e pareha a sigui su caminda na pia y e chauffeur burachi a bay warda di polis den e transporte policial.
