Diabierna anochi polis a presenta cu urgencia n’un adres na Moko p’un problema entre bisiña. Tabata alrededor di 9:15 pm ora cu mas o menos seis patruya di polis a presenta n’e cas pa intermedia entre dos partido completamente altera.
For di algun dia caba e partidonan tin problema cu otro. Tur cos a cuminsa ora cu cacho di un, a morde un habitante di e otro cas malamente, te cu a interna e victima den hospital.
Awe ora a topa e doño di cacho a dicidi di regla cuenta cu ne. Cos a bay asina leu cu hasta a saca machete pa otro durante intercambio di palabra. No a haci uzo di dje pero tabatin menos bon intencion cu ne.
Ta suficiente motibo pa polis a detene e homber cu parce a saca machete y bay cu ne direccion warda di polis. Na warda a present’e dilanti un subfiscal kende lo dicidi riba sea su encarcelacion of libertad.
