Detention a cay awe mainta na pia di trabou. Recherchenan a cana yega y pone boei na man di un sospechoso cu tabatin ordo di detention p’e. Tur esaki na un hotel highrise den area di Palm Beach.
Esaki a sosode awe mainta den careda di 10:30 am ora cu diferente recherche a cana yega un hotel pa asina detene e sospechoso busca pa husticia. E homber aki tin un ordo di detention contra dje pa un caso di maltrato.
Segun por a compronde, cu e homber aki tin di haber cu un caso di maltrato caminda e victima lo a pone un denuncia den su contra. Basa riba evidencia y prueba di dokter tabata suficiente pa departamento di recherche sali busc’e.
A haci e detencion na pia di trabou, a hib’e pa Strand Politie caminda despues di un rato un auto di transporte a pasa busc’e. A sigui direccion warda di polis na San Nicolas caminda interogacion lo cuminsa.
