Dialuna algo prome cu 11:00pm a manda Polis pura na Savaneta 23 pa un pelea pisa. Ey a topa pafo di un cas cu un homber sinta cu corta serio na garganta. A mira machete benta tambe dilanti di e cas. A solicita presencia di ambulance urgentemente pa brinda asistencia na e victima. A resulta cu na e cas na Savaneta tabatin un problema cu a desemboca den un pelea cu arma blanco, cu cual a corta e victima na garganta y otro parti di su curpa. El a logra bay sinta pafo na cas di bisiña.
Durante investigacion di Polis na e sitio, a topa cu un otro homber na e mesun adres y a pone para keto mientras cu tabata acumulando informacion. Polis a pidi pa recherche y tambe Cuerpo Tecnico presenta. Mesora a sali afo cu ta e mesun homber ey tabata e agresor, pa cual a detene na e sitio.
Na e cas Savaneta 23 tabatin basta mancha di sanger. E victima parce ta problematico segun esunnan cu tabata eybanda. E sospechoso deteni a bay Warda di Polis na San Nicolas pa investigacion. E victima cu a bay Hospital den ambulance a wordo atendi pa dokter mirando e seriedad di e corta. E machete haya na e cas a keda confisca.
Asina mes autoridad tabata cana rond cu luz buscando algo. E motibo di e problema cu a caba na agresion asina serio no ta conoci.
