Apenas diadomingo a habri cu ya a yama polis pa presenta na un cas na Palm Beach pa un homber burachi, fastioso y cu ta causando molester pa e famia.
E homber a yega na e cas y tabata blo baha e breaker di fusebox, cu consecuencia cu ta kita coriente den parti di e cas.
Claro cu esaki no a cay den bon tera cerca e habitantenan y ta motibo suficiente pa yama polis pa atende cu e homber aki, pa evita cu e habitantenan mes ta tuma ley den nan mesun man. Tabatin hende drumi y diripiente airco ta paga, luz ta paga, etc. E homber burachi tabata kere cu e cos ta pret.
Despues cu e polisnan a scucha locual a pasa, a tuma datos y a ordena e homber burachi pa e bay su cas y sosega su curpa y asina evita mas problema.
