Den oranan anochi varios unidad a bay cu urgencia den direccion di Ritz na Savaneta. A drenta informacion cu tin un homber arma cu cuchio. E tabata zwaai cu esaki y raspe riba toonbank entre otro.
Polisnan tabata cerca y a yega mesora. A logra desarma e homber. Ta un homber biba den Savaneta mes. El a keda deteni y a confisca e arma blanco. Damanan trahando den Ritz a pasa den susto grandi. Hendenan eybanda ta bisa cu e homber ta un burache pero no sa molestia. E biaha aki si e tabata de remate. Hasta Polis a pase dos klap educativo pa asina e realiza cu su actuacion iresponsabel bou influencia tin limite.
