Partido AVP a reuni cu ehecutivonan y directiva di Camara di Comercio di Aruba dialuna merdia, kendenan ta preocupa y cu a yega na porta di Camara di Comercio riba un rapport di Banco Central.
Ernst Mohamed, presidente di Camara di Comercio, hunto cu diferente miembro di directiva, como tambe directora di Camara di Comercio Sonia Velthuizen tabata hunto cu e partido.
E ta conta cu aña pasa nan a sinta hunto cu tur partido politico, cual ta maneho di e Camara di Comercio. Ta un maneho di e directiva pa sinta cu tur instancia cu tin preocupacion den comercio.
Nan a tuma e invitacion y a dialoga cu nan riba tur e preocupacionnan ey y tambe e rapport di Banco Central cual a discuti riba dje. Locual cu a wordo discuti, ta puntonan cu Camara di Comercio tambe tin cu semper nan a traha riba dje y ta contento cu AVP ta traha pa e comerciante, cu tin un level plainfield y fair competition.
Ta sigui traha riba e puntonan cu a discuti, pa asina un biaha mas pone White Paper Rapport up to date y trec’e bek pa Gobierno.
Publicacion di Banco Central
Mohamed a splica cu nan beleidsmedewerker lo bay tira un bista riab e publicacion di Banco Central. E ta un rapport hopi recien. Despues den nan seno di board nan lo bay discuti’e pa asina bay duna un conferencia di prensa mas amplio pa e cifranan cu nan ta interpreta di CBS y tambe Banco Central.
Si locual cu Mohamed a expresa, ta cu Camara di Comercio ta scuchando y sa cu e comerciantenan ta pasando den duro. Pesey nan ta bezig cu hopi programa pa haci’e mas facil. Nan lo sigui lucha pa e comerciantenan. Esey tur hende of tur instancia na Aruba, cu por haci’e, sea financiero, gubernamental of estatal, pa yuda e comerciante. Awor aki tin hopi comerciante hoben ta pasando den duro.
Departamento di Impuesto tambe ta yudando pa duna mas informacion con pa regla belastingnan. Esey ta importante segun Mohamed. Nan ta contento cu por sinta discuti e punto aki tambe cu e fraccion.
Forsa financiero
Inversion, negoshinan a cay atras den nan benta, cu loke por tin di entendi. Atrobe e ta bira pa planea delanta. Instancianan financiero pa pasa e temporada aki. Si Camara di Comercio no yuda gobierno pa traha un plan pa economia crece un tiki mas, eseynan mester cuminsa scucha.
Esey ta e mensahe pa tur gobierno scucha Camara di Comercio, pasobra e miembronan di e board ta traha den comercio y ta entrepeneur.
Ta scucha e entrepeneurnan, tuma nan conseho. Y den e conseho ey cual ta e White Paper di Camara di Comercio, ta importante pa gobierno y instancianan lese y actua riba dje.
E cos importante ta pa nan cuminsa actua riba e problemanan cu ta existi awo y no papia mas, Mohamed a splica.
Oido di gobierno
Camara di Comercio tin su reunionnan regular cu Gobierno. Nan tabata kier a reuni tiki mas cu nan. Si nan ta hayando oido. Den combersacionnan awor aki por nota cu Camara di Comercio y ATIA ta purba di pusha diferente punto di e entrepeneurnan pa e economia crece.
Pero na fin di dia tin full un gobierno cu su ministernan, kendenan mester tuma e decision pa e economia bay p’adilanti.
