Diaranson merdia, den careda di 12:00 pm, polis a bay den area di hotel pa un persona cu tabata herida. Un homber tabata core bicicleta banda di e hotel Tamarijn y a termina herida.
Momento cu e tabata core su bicicleta y pa un motibo of otro el a spanta p’un auto a hala. Esey a pone cu el a perde balans di su bais y dal abou. E homber a dal su cabes y a kap su frenta.
A pidi asistencia di ambulance pa atend’e, mirando cu e tabata sangra hopi. E paramediconan cu a presenta na e sitio a brinda asistencia n’e ciclista, mientras polis a tuma tur dato di loke a pasa.
