Diabierna mainta un hoben manehando un Nissan Pickup a accidente. E tabata coriendo riba e caminda na Santa Cruz y den e birada banda di Macuarima 147C.
E chauffeur ta bisa cu un Tercel blanco a bin riba dje cu consecuencia cu e mester a baha caminda y sin ripara cu tin e berm di riool. El a bay dal y kibra e tire y tur cos bou di e auto banda di pasahero. Ambulance a presenta pa asina wak si tur cos ta bon cu e hoben. E auto si a haya daño. E hoben chauffeur tabata sinti dolornan fuerte na pecho. Despues cu ambulance a hiba e hoben pa Hospital, takelwagen tabata necesario pa hala e auto.
