Diaranzon anochi pa mas of menos 10 or a sosode un Hit & Run na altura di Modanza. Un chauffeur femenino di un Nissan March color blauw a pasa dal un truck Toyota Dina cu tabata para na banda di un caminda di santo.
Na momento cu e muher a dal e truck a causa basta daño na e Nissan March y causa daño na e truck banda rechts dilanti, e chauffeur di Nissan March a sigui core bay sin paga tino cu e daño cu e la causa riba su mesun auto y riba e truck. Polis di trafico di biaha a presenta y personal di Road Service tambe pa tuma datos.
