Habitante di Seroe Blanco 74 a lanta trempan y manera tur otro biaha a bay wak su galiña- y gaynan, unda el a haya dos di nan morto. E habitante a rabia pa esaki y a pidi asistencia di polis.
Agentenan policial a yega na e sitio y a tuma dato di loke a pasa. Nan a splica e doño cu no por haci mucho cos, pasobra e cachonan ta di caya. E habitante a splica nan cu no ta prome biaha algo asina aki ta sosode. E tin problema cu cachonan di caya, debi cu nan ta drenta cura y kibra e haula.
El a perde hopi galiña y gay door di e cachonan di caya. Dianan anterior e cachonan a mata un total di binti galiña caba y awo a mata dos gay. El a ripara cu e cachonan ta subi mata y purba mata e galiñanan. E ta fada cu e situacion aki y kier un solucion p’e cachonan di caya. E no kier sigui perde mas di su galiña- y gaynan.
