Personal di Guarda Nos Costa a reuni den forma urgente cu Minister di Husticia Andin Bikker. Esaki despues di a yama un accion pa awe mainta.
Un delegacion di personal di Guarda Nos Costa a yega mainta na oficina di e mandatario y despues di a sinta casi un ora cu e mandatario, a sali cu e speransa di por yega na un acuerdo riba e diferente problemanan cu e personal ta confronta cu ne na e sedenan di GNC.
Segun nan a expresa na final, nan ta hopi cerca di yega na un acuerdo of palabracion cu e mandatario pa cual no tabata kier a bay den detaye riba contenido di e encuentro cu e mandatario. A keda palabra cu den oranan di atardi lo tin contacto pa mira ki solucion of palabracion lo haci.
