Grupo rumannan den oracion ta invita pueblo di Dakota y Aruba completo pa un evento di bendemento di bolo combina cu bendemento di cuminda y cu un bar bon surti. Tambe lo bay tin articulonan religioso y hopi mas articulonan pa bende.
E evento lo tuma luga diadomingo awo, 18 di juli 2021, na cas di oracion di Beato José Gregorio Hernández, situa na Caya Appeldam 8. Caya Appeldam ta keda net patras di Pius X school, e evento ta cuminsa for di 11:00 am pa 3:00 pm.
E evento aki ta pa gradici Beatificacion di Beato José Gregorio Hernández y pa recauda fondo pa reapertura di e cas di oracion ya menciona. Sperando cu por conta riba cooperacion di devotonan, pueblo di Dios, habitante – y parokianonan di Dakota.
Bini uno, bini tur y pasa un rato agradabel. Ta pidi pa tur esunnan cu ta pensa di bishita e Cas di Oracion di Beato José Gregorio Hernández di Dakota, pa uza tapaboca y ora di yega corda uza sanitizer y pa tene distancia social manera pidi pa DVG. Pa cualkier informacion por tuma contacto cu Suzie Henricus na 594 3208.
