Diaranson, 4 di Juli tabata tin entregamento di diploma na e graduadonan di Colegio San Antonio. Director di e scol a habri e ceremonia cu bunita palabranan dirigiendo su mes na e alumnonan saliente di e scol.
El a bisa cu cada alumno gradua ta un storia diferente. Pa ta exacto ta un total di 84 alumno a gradua. Esey ta 80% compara cu aña pasa tabata 59%. Director di scol ta contento pero semper por miho, a bisa tambe cu cada alumno a dune un experiencia unico, oranan mester apoyo semper e tey. Ora nan a ricibi straf ta pa nan mesun bon y naturalmente nan triunfo den bida ta un orguyo pa cada docente.
Miho graduado di Colegio San Antonio tabta Jayneelaine Gomez.
Despues di e entregamento di diploma a sigui un fiesta bailabel bao di tononan di Tsunami te 1’or di marduga riba plenchi di e scol mes. Tambe tabata tin presentacion di DJ 101. Fuera di e evento, nan tabata tin photobooth, snacksnan dushi di Peanuts. Mayornan y amigonan di e alumnonan tambe a pasa un dushi momento den e recta final di e hobennan aki, kendenan, cada un cu nan diferente destino den mente, a caba cu un trayecto exitoso na Colegio San Antonio, Class of 2018. Un palabra di pabien ta bay na e graduadonan y hopi exito den boso futuro.
