Tur dia ta un dia cu Adopt an Addict ta sacando un man na esnan cu adiccion. tabata na aeropuerto y a comenta cu e tabata eynan pa pone accento cu Adopt an Addict ta sigui traha den e mesun forma cu nan a cuminsa casi 10 aña pasa.
Aruba ainda tin e problema grandi cu ta problema social y drogadiccion y no tin suficiente opvang pa e hendenan. Tambe ta kere cu Hogares Crea su programa ta algo bon, pasobra hopi di e hendenan aki tin cu wordo saca di e situacion di e mesun grupo, e mesun kliek cu nan ta aden, cu semper nan ta keda cay bek. A pensa cu esaki ta algo valioso y hopi hende ta puntra si Adopt an Addict tey ainda.
Ultimo a dicidi cu nan ta bayendo cu 4 hende. Tin Pedro Wilson, kende ta yuda como guia. No ta manda ningun hende riba nan mes. Semper tin un guia. Pesey kier tambe haci e publicidad cu nan no a stop di haci e trabao aki. E trabao aki ta sigui. Ora cu nan bin bek, tin e Cas Speransa, cu ta e Cas Speransa original cu tin ya 8 aña caba na Moko 28, caminda cu esey ta un dependance di Adopt an Addict caminda cu ta sigui resocialisa e personanan. Ta wak cu tin hopi hoben cu a cay den e wega aki, cosnan ta birando dia pa dia mas serio.
Segun Lacle-Croes, e trabao aki tur hende cu por duna un man, tur hende cu por yuda, yuda pa por yega tambe na opvangnan na Aruba mes mas profesional. Tambe pa resocialisa. A caba di pasa den un dia amargo dialuna, unda cu tin hende psicofrenico den cas y ta pasando den hopi dificultad cun’e PAAZ no ta dispuesto pa tum’e. Tin un cambio di Gobierno, no sa ken mester firma pa e por bay p’ariba, pero Adopt an Addict tampoco no por perhudica esunnan cu ta den cas, si pone un hende cu ta peligroso y por causa un desaster den cas e momento ey.
Ta luchando den e dianan aki tambe cu e sorto di problemanan aki y kier yuda graag, pero e tipo di e hendenan aki mester di un opvang special. Al momento cu PAAZ tambe ta bay cambia pa Januari awor aki den e fundacion nobo, tambe ta haya cu e hendenan aki atrobe no tin un luga y nan ta bisa cu un verbetering den e situacion ta aki dos pa tres aña. E pregunta di Audrey Lacle-Croes aki ta, cu e dos pa tres aña aki kico, con ta sigui, con ta handle e hendenan aki. E persona cu tin den cas, tin cu pone riba caya? E por haci un daño riba caya tambe. Ta algo cu kier pone un accento hopi grave riba dje cu kier trek aan de bel, pasobra mester sinta na mesa pa structura e cosnan aki hopi mas miho.
