Den e prome siman di augustus awo tin veredicto den e caso sumario entabla door di Aruba Birdlife Conservation contra Natura, cu ta desaroyado di Embassy Suites. E proyecto aki ta algo cu ta data di hopi aña atras, inclusive e promesa haci na e grupo cu nan por crea un beach. Esaki ta loke cu Prome Minister Evelyn Wever-Croes a bisa prensa recientemente. E proceso ta den e fase pa duna minister Ursell Arends pa traha riba e dispensacion necesario.
Ta hopi den noticia e hecho cu e NGO ariba menciona a dicidi di cuminsa e caso sumario, pa motibo cu ta sinti cu ta causa daño na naturalesa, specificamente e Yerba di Caña, cu ta uno protegi. Di otro banda, Natura a splica cu esaki no ta e caso pa motibo ta kita y muda e Yerba di Caña bou supervision di Directie Natuur en Milieu (DNM).
Un caso den Corte por tin resultado faborabel of en contra. Ya caba despues di tratamento di e caso Corte a bay di acuerdo cu e peticion di e NGO pa aumenta e boet na un miyon florin, si Embassy dicidi pa toch sigui haci trabou na e sitio (net nan dilanti) sin spera resultado di Corte.
Den e caso aki prome minister Wever-Croes a splica cu un sonrisa cu no mester lubida no ta niun di e dos gabinetenan cu el a presidi a duna permiso na e desaroyadonan. Esaki ta algo cu ta data di hopi aña atras. Tambe promesa cu nan lo haya un beach.
Pa un relato mas amplio, lesa e siguiente edicion di TREMPAN.
