Diamars merdia trafico riba L.G. Smith Boulevard a pega formal pa un accidente basta pisa entre un vehiculo pisa y un auto particular.
Na e sitio, net dilanti di cura di waf prome cu yega rotonde, por a tuma nota di un auto particular, Hyundai Accent V-2019, completamente destrui na e parti dilanti. Ek a keda para direccion di Playa.
Segun por a compronde, e auto particular aki tabata bayendo direccion di hospital, pero tabata parce cu e chauffeur no tabata concentra riba trafico.
Chauffeur di e vehiculo cu tabata transporta un container, a cuminsa pita e chauffeur pasobra e tabata moviendo su banda, pero e no a ni realisa esaki y a bay dal den e wiel patras di e vehiculo grandi pa despues keda para cara pa Playa.
Mester bisa cu e chauffeur a scapa milagrosamente y a resulta levemente herida.
E auto si a keda total loss y ta parce manera cu delaster piesa di e motor a keda riba caminda.
