Gobierno no ta respeta Convenant 2017 cu SADA y bom ta bay explota

Tin un bom cu ta bay explota awe. Gobierno a dicidi cu e no ta respeta e convenant firma cu SADA na 2017 y tampoco e salarishuis.

E sindicato di Duaneronan a yama un reunion extra ordinario pa awe tardi 4.30 na sede di SEPPA.
Pa basta tempo caba SADA a bin ta den comunicacion cu Gobierno y semper Minister di Finanza su reaccion na e sindicato ta cu nan lo respeta e Convenant pero ta parce cu e mandatario ta papia cu dos lenga ya cu awo di repente el a informa SADA cu e palabracion no ta sigui.

Gobierno a bini cu un proposicion completamente nobo pa tira den scochi di e sindicato, algo cu pa nan ta inaceptabel despues di e promesa di dos aña cu ta respeta e convenant. E sindicato a sinta na mesa dialuna cu Minister di Finanza pa papia un biaha mas riba e Convenant di 21 di juli y e tema Salarishuis. Pa nan sorpresa a informa cu e Convenant cu tin firmanan legal bou di dje no tin aprobacion di e Gobierno aki mas y a pone bou di nanishi di e delegacion di SADA un otro documento pa cual di inmediato a duna nan desaprobacion total pa e actitud aki.

SADA mesora a consulta cu su hurista y na final a dicidi cu lo miho ta pa consulta cu su miembronan pa cual a yama un reunion extraordinario awe tardi 4.30 na sede di SEPPA.
E reunion aki ta pa tur miembro di e Cuerpo di Aduana, sea cu ta miembro di SADA of no. Miembronan mester bay dicidi cual ta e siguiente paso cu nan ta bay tuma den e falta di respet total cu Gobierno ta demostrando.
E ariba nifica cu lo por tin un marcha of accion di protesta, mirando cu e miembronan di SADA ta dicidido pa actua pa nan derechonan wordo respeta.

Comments

comments