Desde di e situacion di COVID-19 a bin cu medidanan y esaki a pone cu un grupo grandi di persona cu a bira desemplea of no por a haci nan trabounan y ta drenta den peliger.
P’esey Gobierno a cuminsa traha den e prome forma cu ta Fase pa por brinda siguridad cu fin di luna aki un grupo grandi di persona cu a perde trabou of a bay atras den nan entrada, por haya recurso pa atende nan necesidadnan basico.
Minister di Finansa, Asuntonan Economico y Cultural, Xiomara Maduro, a bisa cu Gobierno a traha riba e alivio fiscal necesario pa brinda ayudo na negoshinan chikito y mediano.
A bin cu un yudansa di 4 mil pa kwartal. E trahadonan cu no ta bin remarca di subsidio, Gobierno a traha un plan. Esaki ta basa riba e conseho di Minister di Reino di dia 9 April, pa locual ta e yudansa cu Aruba mester pa entrega un plan prome cu 1 Mei cu ta un plan di subsidio di salario pa manda esaki pa CAft. Tur esaki pa Rijksministerraad por tuma un decision y gobierno a manda e carta aki dia 23 April.
Loading…
Reload document 
Open in new tab A sinta cu expertonan pa traha e plan ak, y tambe a combersa cu p’asina nan tambe por tin e puntonan treci patdilanti y haya aprobacion di Conseho di Minister di Reino pa implementacion. Expertonan ta sinta pa asina por tin tur detaye na momento di ricibi autorisacion di conseho di Minister di Reino. Asina cu e fondonan yega Aruba, por bay di biaha na un implementacion cu ta efectivo y eficaz.
E subsidio di salario ta cu Gobierno ta yuda comercio paga e trahado. Segun Minister Maduro, comerciante ta haya e fondo y ta paga e trahado. Meta ta p’e trahado keda cu su salario. Doño di trabou ta haya 80% cu ta inscribi na SVb y tin un maximo di 5850 florin pa cada trahado. Esaki ta bira aplicabel ora cu e comerciante por mustra un perdida di entrada di minimo 25%. Tur esaki ta como meta pa por sigui paga trahadonan.
