Awe mainta, un dia despues di recobra su libertad, Gobernador Alfonso Boekhoudt a manda un carta oficial pa Benny Sevinger den cual ta invit’e pa e hurament’e como miembro di parlamento di nos pais. Esey lo sosode otro mañan caba, riba diabierna 6 di augustus 2021 pa 1:30 pm na Cas Ceremonial di Gobernador situa na Maria Christinastraat # 2. A pidi e parlamentario yega 15 minuut prome y cu e por bin cu solamente dos miembro di famia na e ocasion special aki.
Manera ta conoci, a detene Benny Sevinger dia 26 di mei ultimo, bou sospecho cu lo tin di di haber cu e caso Avestruz. Ta acus’e di ta e sospechoso principal den e caso aki, den cual ta investigando si acaso ciudadanonan of comerciantenan a beneficia door di haya terenonan di gobierno. Den esey ta investiga e rol di ex-minister Sevinger, si e lo a facilita e proceso aki y probablemente cu beneficio financiero of di fabornan personal.
Manera ta conoci, a detene Benny Sevinger dia 26 di mei ultimo, bou sospecho cu lo tin di di haber cu e caso Avestruz. Ta acus’e di ta e sospechoso principal den e caso aki, den cual ta investigando si acaso ciudadanonan of comerciantenan a beneficia door di haya terenonan di gobierno. Den esey ta investiga e rol di ex-minister Sevinger, si e lo a facilita e proceso aki y probablemente cu beneficio financiero of di fabornan personal.
Oslin Benito Sevinger, miho conoci como Benny, di 56 aña di edad, un karateka, a subi lista di partido AVP den eleccion di aña 2001. Prome cu esey e tabata traha como consehero di Minister Watty Vos (q.e.p.d.) y ora cu e ultimo aki a fayece na 2001, a dicidi di pone Sevinger riba lista, den representacion di “e hendenan di Watty”. Su carera tabata semper impresionante. E ta e unico parlamentario cu a “saca su mes” den cantidad di voto personal.
- Eleccion 2001 – 1493 voto
- Eleccion 2005 – 1403 voto
- Eleccion 2009 – 2072 voto
- Eleccion 2013 – 3932 voto
- Eleccion 2017 – 2785 voto
- Eleccion 2021 – 1614 voto
Benny Sevinger ta casa di Claudia y tin dos yiu, Stephany y Bryan. Bou su maneho a desaroya diferente proyecto historico pa nos pais, manera ta renobacion di aeropuerto, hospital, Green Corridor, ringweg 3 esta Watty Vos Boulevard y tambe e proyecto di renobacion y embeyecimento di centro di Oranjestad, cu a inclui adkisicion di un tram.
