Giselle Mc William: Situashon di Venezuela no ta responsabilidat di Reino Hulandes

635
CMB Ban Cobra
Special di Diamars Ling Sons
Download nos App
Send a Tip 24 Whatsapp
Hyundai i10
RBC Loan Calculator

E situashon pa ku Venezuela na e momento ku UNCHR (Nashonnan Uni) a dekretá ku mester atendé Venezolanonan komo refugiado ta krea un situashon hopi delikado pa nos pais.

CIBC Get Moving
Redfish lunch Special Sept
ecosport
Montero 1 Summer

Un situashon humanitario ku nos no por sera nos wowo mas pe ni maske ku nos komo pais no a firma e Tratado ku ta atendé ku refugiadonan manera si ta e kaso di Aruba. Esaki ta nifiká ku tur Venezolano ku ta riba nos isla ku no tin e pèrmitnan nesesario mester haña estadia aki. Ku e konsekuensia ku esaki ta trese kuné un preshon enorme pa loke ta trata nos ekonomia i e parti sosial di Kòrsou. Segun informashonnan ku tin ,ta trata di mas di 350 Venezolano ku no por regresá nan pais pa motibu ekonómiko/polítiko. E situashon aki empeorá na momento ku sanshonnan di Union Europeo pa ku algun Venezolano liga na Presidente Maduro a kondusí na e prologashon di seramentu di tráfiko aéreo entre e islanan, despues ku nos mandatarionan a traha duru pa por aklará e situashon kua ta tin promé ku e sanshon aki a subi mesa. Ku hopi sorpresa i desapunto mi a tuma nota di e deklarashon di Minister di Defensa di Reino sra.Blijveld resientemente durante su bishita na Kòrsou unda el a deklará ku e problema aki ku e fluho di Venezolano ta problema di Kòrsou.

Akaso Minister Blijveld no ta altura kiko e impakto ekonómiko i sosial e sanshonnan ku Europa ku Hulanda a kondusí na dje pa nos? Ta fásil pa laba man i no karga e responsabilidat aki huntu ku bo partnernan den Reino,pero ku den Europa Si ta karga full responsabilidat di e refugiadonan ku ta drenta Europa for di Afrika i Medio Oriente na Italia ,Gresia etc. Ta inaseptabel komo partner den Reino e posishon aki di e Minister /Hulanda. Manera mi a bisa diferente biaha den deliberashonnan ku Parlamentario nan den Reino (IPKO) e pais nan aki tin “communicerende vaten “ ku otro i sigur pa loke ta trata aspekto negativo i ku e impakto sosial riba e islanan lo bai kai bek riba stupi di Hulanda. No mas ku dos siman pasa mi komo Parlamentario mi a hasi algun pregunta na Minister di Asuntunan General sr.Rhuggenaath durante su biahe pa Hulanda riba e situashon aki.Un di mi preguntanan tabata si e minister ta bai papia ku Hulanda pa loke ta trata e efekto negativo riba nos ekonomia ku e sanshonnan a trese kuné.

Tambe mi a puntra , mirando e situashon di urgensia aki , kiko e status aktualmente ta ku e relashon riba nivel di Reino i Pais pa ku e situashon aki i kiko konkretamente ta hasiendo pa yega na un solushon ku Venezuela. E sanshon aki di Europa (Hulanda) a yuda kondusí nos pais ainda mas ku pèrdidanan kuantioso di entrada pa nos pais, sin lubidá e parti humano ku no por manda Venezolano nan bèk nan pais pa motibu di falta di komunikashon i ku awe UNCHR ta konkluí ku no por manda e persona aki bèk nan pais pa motibu ku nan tin e status di refugiado. Ku tur e konsekuensianan sosial i ekonómiko ku esaki tin riba nos pais. E situashon aki ni maske kuantu nos ta dispuesto pa yuda nos bisiñanan di Venezuela nos i sigur no Hulanda no por ignorá ni bagatelisá e konsekuensia di e petishon di UNCHR pa duna e persona nan aki estadia den nos pais. Mirando ku Hulanda a firma e sanshon kontra di Venezuela sin tene kuenta kiko esaki lo tin komo konsekuensia pa nos pais.

Comments

comments

home improvent
AC Delco 20% Service
Dragon Fly
Test Drive Cordia Carnival Village y Do It