Presidente di STA, Diego de Cuba a confirma na nos redaccion cu e test haci riba e empleada di Airport no ta bay keda asina. Ta compincheria tin den henter e testmento aki. E proceso encamina ta incorecto. A puntra Diego de Cuba si e conoce e empleada bon y el a bisa cu e conoce Super Bon.
E empleada Gina de Cuba Luidens tin 17 aña trahando na aeropuerto. Ora a busca mas informacion, via fuentenan di Airport, a resulta cu e ta pareha di Diego de Cuba cu ta Presidente di STA.
Durante un test diahuebs na Airport el a test positivo riba Cocaina. Diego de Cuba a splica den combersacion cu nan a test e empleado, cu a resulta di ta su casa, atardi diahuebs 6:30. Ora cu el a sali positivo, el a wordo poni riba non actief mesora pendiente e proceso di investigacion. A base di e resultado aki mesora a bay tambe haci un test na IMSAN. Pa 9:07pm a haci e test y e resultado a mustra negativo. Net lo contrario cu e test di MedWork a haci pa airport. E test cu a wordo haci na Airport ta uno di Urine segun Diego. Esun na IMSAN tabata Urine y Sanger. Ambos a resulta negative pa droga na IMSAN. Segun Diego ta imposibel cu un test por sali positivo na Airport via MedWork y despues apenas algun ora negativo na IMSAN. E trahador cu ta su casa tin 17 anja trahando na Airport den Security y ta un hende cu no ta bebe y tampoco ta huma segun Diego de Cuba. E decision di Airport ta pone STA bay cuminsa cana caminda legal via corte cu nan abogado. E ta inaceptable segun Diego de Cuba e forma cu ta test trahadornan y causando mal nomber na empleado. No ta prome biaha cu algo asina ta sosode. E test ta bay di tal forma unda ta yama e trahador bin pasa e test. E test ta tuma lugar ariba den oficina. Hendenan di MedWork tey y tambe hendenan di Airport mes. Diego de Cuba a remarca cu a resulta cu dos di esnan cu tabata tey den e proceso di e test no tabata tin handschoen bisti. Diego de Cuba ta keda insisti cu e cosnan aki ta Compincheria cu tin den airport. Hendenan cu ta riba cierto medicamento manera Antibiotica, Tylenol y hasta Coca Cola Light sin sucu por pasa e test y resulta positivo. Pesey el a urgi caba Airport pa bin cu otro sistema di test e trahadornan. Awor aki probablemente mester bay haci testnan mas leu. Den e caso aki via e cabey di e empleado of algo otro pa asina mira kiko e resultado lo bay ta. Diaranzon awor STA tin e encuentro mensual cu gerencia di aeropuerto y den e reunion aki e tema di test pa droga lo ta halto riba e lista di puntonan cu ta bay wordo atendi. E forma cu aeropuerto ta test trahador no esun corecto y STA kier corehi esaki. Cu e actuacion aki e trahador ta den un inzinking y ta bira malo pa motibo cu su nomber ta wordo susha. Ta lamenta cu na Airport mes tin trahadornan ta papia of duna informacion riba e test positivo. Nan tur tin e resultado negativo di IMSAN tambe pero aki ningun hende ta papia di dje segun e presidente di STA. Diego mes a manda e resultado di IMSAN pa asina prueba e resultado negativo di su casa riba droga. E orario tambe ta poni.
