Gerlien Croes, parlamentario di fraccion di AVP, a trece su punto di bista pa loke t’e suspension di e empleado di archief, Liesje Khemlani.
Despues di reunion di CHA, e parlamentario ta comenta siman pasa el a haya oportunidad pa expresa su mes rib’e preocupacion cu e tin riba loke t’e hecho cu por mira cu den politica na Aruba, ta persigui e hende muhe mas y mas.
E realidad ta cu dialuna mainta tabatin un reunion, caminda cu e griffier di parlamento kier a duna su banda di medaya y clarifica un ke otro, vooral caminda cu tabatin varios articulo cu a sali den media siman pasa.
E parlamentario a comenta di a conclui cu tin un persecucion politico y den un forma of otro a purba di atacha griffier di parlamento y ta hopi lamentabel pa mira con ta hiba politica na Aruba.
E realidad ta cu Liesje semper a sa di haci su trabao manera mester ta y yudando cada miembro di parlamento. Semper el a duna tur di su banda pa den kico cu e por a haci. Sea ta pa asisti cu documento, si tabata pa comparti documentonan di archief, of pa stel op documento of concepto. Esey no ta solamente di parti di Khemlani, pero di e otro trahadonan tambe.
Un cos cu ta totalmente inaceptabel, ta e forma cu a procede esaki.
Pa mas cobertura lesa TREMPAN.
