Dialuna mainta a bati alarma pa candela den un cas na Dakota. Brandweer a sali mesora pa Olijfistraat pa brinda asistencia na pareha cu a pasa den un susto cu candela den nan cas.
Pa aproximadamente 11:30 am, cay cora a canta den Dakota pa un cas na candela. Na sitio por a compronde cu ta trata di un pareha di edad cu pa un descuido lo a laga algo riba stof y esaki lo a ocaciona un candela inespera.
Nan a pasa den un susto sin duda, pero a traha lihe y e candela no a expande bira mucho grandi. Afortunadamente ningun hende a resulta herida y daño material ta minimo.
