Galloway Jr. a realisa sigur un soño cu un bunita cancion, Rolemodel. E ta conta cu pa cuminsa e ta laga e Caiso den man di su tata y e cosnan cu ta pasa den bida toch ta experiencia. A sali cu un bon producto final y esaki tabat’e.
Sigur e cancion tabata tin un titulo fuerte y a rekeri su training. E ta sigui conta cu el a bay vlot pasobra ta algo positivo. Dimes cu su melodia cu e tin, ta un catchy. E cancion a bay hopi bon, pa loke ta training y e hincamento den otro.
Galloway Jr. ta sigui splica cu tur hende cu conoce su tata, nunca el a gana un corona. Pero semper el a participa den Caiso, semper el a participa den Soca. Semper el a participa den e festival di Caiso y Soca Monarch, gana of perde.
Semper el a haci’e cu amor. Awor aki e, como su yiu, e kier bin y hisa e bara un tiki. Den su nomber tambe haciendo cosnan cu e nunca por a haci, logrando cosnan cu nunca e tata a logra, ta logrando esaki awor aki hunto.
Ultimo palabra cu Galloway Jr. tin ta pa kere den bo mes y nunca stop. Djis sigui pusha, sigui. Galloway jr. a cuminsa cu su di 9 aña, cantando un cantica pa aña. Cu su 17 aña el a join un band cu el a cuminsa canta algun cantica mas.
Tur cos ta cu tempo, tur cos ta cu bo boluntad. Si bo kier logra algo, lo bo logr’e cu bo boluntad. Waar een wil is, is een weg, djis sigui pusha, el a bisa por ultimo.
Galloway Jr. a bay cu e corona di Caiso Monarch, despues cu Lady Ambiance a gan’e aña pasa. Na di dos luga tin Blacky cu su cancion “No place like home” y di tres luga Lady Ambiance cu “Arise”.
