Cu gran satisfaccion y orguyo, famianan van der Biezen, Winklaar, Jacobs, Semeleer, Kelly, Maduro, Henricus, Thode, Koeijers y Nicolaas ta extende palabra di felicitacion na nan yiu muhe, sobrina, amiga, iha, y ruman stima Aislinn van der Biezen, kende diabierna 31 di januari 2020, a obtene su diploma como (VIG) Verzorgende Individuele Gezondheidszorg.
Logro asina aki ta di comparti pa asina celebra cu tin un yiu di tera mas capacita den su ramo, sigur tambe pa inspira otro.
Pero Aislinn no ta para keto, na banda di su estudio tambe a obtene su diploma den “kinderpsychologie” y tambe diferente curso di coaching di verslavingzorg, relatie, budget y rouw.
Nos conoce como un persona fuerte para den su sapato y cu ta bai pa su meta. “Henter nos famia, bisiña, amigonan ta desea Aislinn tur clase di exito y bendishon den e reto nobo cu e ta tuma. Nos ta stimabo y ta sumamente orguyoso cu bo logro. Un abraso fuerte di nos tur,” famianan contento a expresa.
