Recientemente a tuma nota di un publicacion riba e pagina di Facebook di un colega di prensa, Hilario Doncker, caminda el a bin ta anuncia cu lo bay cera tanto Cosecha Oranjestad como tambe Cosecha San Nicolas.
Motibo p’esaki ta cu e financiamento p’e parti operacional di Cosecha, di parti di APA, no ta posibel mas pa awo ni tampoco den futuro. Segun Doncker, informacion oficial cu el a ricibi ta cu pronto lo cera Cosecha San Nicolas por complete y cu por lo pronto Cosecha Oranjestad lo permanece habri solamente pa tene workshops.
Segun e publiacion, dia 29 di october proximo Cosecha San Nicolas lo tene su ultimo workshop. Riba e imagennan por mira e bashi cu a keda atras na Cosecha San Nicolas, asina lagando un period importante atras caminda cu pa prome biaha tabatin arte na San Nicolas. A termina gradiciendo tur esunnan cu a traha pa Cosecha bira realidad y ta lamenta cu awo mester mira esaki pasa pa pasado. No obstante, ta desea pa un y tur permanece cu bunita recuerdo cu Cosecha a laga atras.
