Deporte ta importante y ta halto riba e lista di prioridad pa ora di brinda sosten, di parti di Aruba Bank, e banco cu ta carga nomber di nos pais. Aruba Bank a aporta na e team di futbol di RCA pa e temporada di futbol 2018-2019.
Alavez Aruba Bank a patrocina nan uniform nobo pa e ekipo, cu ta consisti di 200 mucha bou di 18 aña. E muchanan di RCA tabata feliz cu nan uniform nobo y tabata cu un sonrisa grandi riba nan cara.
Coachnan y futbolistanan a gradici Aruba Bank p’e uniformnan nobo. E teamnan di RCA ta cla pa estrena nan uniform nobo p’e resto di temporada di futbol 2018-2019. Aruba Bank ta orguyoso di por sigui aporta cu deporte y di a duna sosten na RCA.
