Diamars merdia, a drenta un informacion caminda cu lo a sosode un accidente cu tres auto envolvi. Ta asina cu chauffeur di un pick up biniendo di p’abao, a para pa duna un auto chikito, saliendo for di parkinglot di Hong Kong Supermarket, net na momento cu un pickup color blauw tabata biniendo for di e rotonde di Paradera.
Mirando cu e caminda tabata muha, e pickup no por a para na tempo, ni tampoco el a ripara cu tabata tin un auto chikito saliendo. E pickup a dal riba e porta di pasahero dilanti di e auto chikito, pa cual el a spin y a bay dal den e mesun pickup cu a dun’e chens pa sali.
E pickup biniendo di p’abao, prome cu e accidente a sosode, a premira cu algo lo a bay pasa y a sali bin p’adilanti pa asina evita cu e auto chikito a sali, pero ya tabata laat caba.
Ambulance a bin na e sitio, pa asina controla un baby cu tabata den e auto chikito, pero tur cos tabata ok. Daño material ta considerabel.
