Diamars atardi algo pasa di 12:30 PM homber a drenta cas den Olijifistraat pa horta. Bisiña atento a wak e homber ta haci sospechoso y bula cura di e cas.
E bisiña a hala atencion di e homber sospechoso, aki e la laga un saco cay riba caminda. Den e saco tabatin diferente articulo cu e la caba di horta for di e cas. E homber a sali na careda, core patras di YMCA Dakota, sali banda di Town Dragon y drenta den mondi pabou di Island Best Windows and Doors.
A bati alarma na Polis cu den algun minuut a yega pa pone man riba e sospechoso. A cera e mondi di un manera strategico y keda warda te ora e sospchoso sali pa autoridad gare. Algun 45 minuut despues e homber sospechoso a cuminsa cana bek y aki autoridad a bin gare net pabou di SETAR Store. E homber deteni tabata papia spaño.
