Fundacion Movemento ta Bida (FMTB) cu tristesa a tuma nota cu Eddy Ras a bay laga nos. Pa hopi aña Eddy a yuda FMTB organisa e torneo di Jani Brokke Memorial. E tabata pa nan un persona cu semper tabata cla pa organisa su parti di tennis sin yudansa pasobra den su man tur cos tabata cana perfecto pa añanan largo.
Tabata Eddy cu a puntra FMTB pa cambia e nomber di e torneo 60 plus pa Jani Brokke despues cu Jani a fayece. Riba 16 di September 2017 FMTB a reconoce Eddy memey di tur deportista 60 plus pa tur ayudo brinda na e organisacion. FMTB ta manda palabranan di condolencia y hopi forsa cu e perdida grandi aki na su señora, yiunan, rumannan y famia. Cu Eddy sosega na Paz.
