Fundacion Dominicana Arubaanse Juan Pablo Duarte a ricibi un donacion di Aruba New China Club di dos mil florin pa e Fundacion por sigui yuda famianan den necesidad di cuminda den januari 2021. Sigur cu e donacion aki lo yuda pa traha 80 pakete di cuminda pa personanan cu mas mester di esaki.
E Fundacion ta aprecia e bunita gesto aki di parti di Aruba New China Club .
Un gradicimento ta bay na Wiliam Cheng, presidente di e club y su directiva. Sigur esaki ta un bunita iniciativa pe demas otro nacionalidadnan caminda cu e amor pa e prohimo y hermandad pa yuda semper tey .
Den nomber di e Directiva di Fundacion Dominicana Arubanse Juan Pablo Duarte kier a yama danki na tur persona cu durante e pandemia a coopera cu e organisacion .
