Cuerpo Policial tin un anuncio hopi importante cu nan kier a manda pa tur persona riba brommer y den auto. Nan a ricibi autorisacion for di Ministerio Publico pa cualkier auto of brommer cu faya, haciendo maniobranan cu no ta na su luga, ta confisca esaki mesora y despues tin cu bay deal cu Ministerio Publico mes.
Na Kooyman mes, polis tabata tey presente caminda cu tabata tin por lo menos 30 brommer staciona, aunke cu tur cos tabata trankil. Por a mira riba caya marcanan di brommer. Tabata tin un situacion caminda cu fever a tuma luga.
Team completo di polis ta riba caya. Di ariba tin helicopter di polis, hunto cu esnan riba caya ta haya instruccion, unda e grupo di brommernan aki ta move.
Ta un custumber di tur aña riba e ultimo dia di aña, unda nan ta pasa di establecimento pa establecimento, unda cu nan ta draai nan brommer, pero no ta permiti den trafico.
Ta pa e motibo aki polis ta manda un señal bon cla cu e aña aki no ta bay permiti draaimento di brommer of otro maniobranan cu no ta na su luga.
Polis mira esaki, ta para e chauffeur y tin OK di Ministerio Publico pa confisca e vehiculo y despues tin cu deal cu Ministerio Publico, pa wak con ta haya e vehiculo bek.
Esaki ta conta pa brommer y auto cu papelnan no ta na ordo, of haci algun show cu polis captabo, awe riba bispo di aña.
