Fun Miles a lansa oficialmente su campaña grandi di fin di aña, “Holiday Spin”, durante un conferencia di prensa na Double Down Sports Bar & Grill. E campaña digital ta cuminsa dialuna 2 di november y ta sigui te cu 8 di januari 2027, dunando comunidad e oportunidad di gana premionan instantaneo y participa den un sorteo pa gana un Toyota Yaris Sedan nobo.
Participa y gana via e app
E campaña ta basa riba un sistema digital cu ta permiti participante gana door di haci compra cerca e comerciantenan, participa y scan nan Fun Miles card of app. Cada transaccion valido ta duna un chens pa draai e wiel digital den e app y gana diferente premio.
Ademas, participante cu habri e app cinco dia consecutivo ta haya un chens adicional gratis pa participa. Tambe tin oportunidad pa gana chens extra durante roadshow y actividadnan riba red social.
Un otro parti di e campaña ta e coleccion di cuater bala digital di Pasco. Haciendo compra cerca partnernan principal, manera Kooyman, Ling & Sons, ENNIA y e stacionnan di gasolin Cura Cabay, Paradera y Citgo Palm Beach, e participante por colecciona e balanan. Ora completa e coleccion, nan ta haya un ticket digital pa participa den e sorteo final.
Facebook live link: https://web.facebook.com/share/v/1FJW1vPnCA/
Premionan pa gana
Durante e campaña, participante por gana diferente premio instantaneo, incluyendo voucher di gasolinadi 100 florin, gift card di Botica di Servicio di 500 florin, un matras di Cas di Max na balor di 2.800 florin, voucher di TUI di 500 florin, cena pa famia na Double Down na balor di 350 florin, descuentonan y bonus miles.
Tambe tin un serie di premio grandi den e sorteo final, incluyendo un aña di compra gratis na Ling & Sons Food Market na balor di 3.000 florin, voucher di biahe di TUI di 2.000 florin, voucher di Kooyman di 1.800 florin, voucher di gasolin di 1.500 florin, un staycation na Eagle Aruba Resort, ticket di biahe ida y vuelta cu Winair y un aña di seguro di auto gratis di ENNIA.
Toyota Yaris Sedan como premio mayor
E momento central di e lansamento tabata e presentacion oficial di e premio mayor: Un Toyota Yaris Sedan nobo, presenta door di Garage Cordia / Toyota Aruba. Un ganado afortuna lo por bay cas cu e vehiculo, cu ta bin acompaña di un aña di seguro di auto gratis di ENNIA y 600 florin na gasolin, cortesia di e stacionnan di gasolin participante.
Cu “Holiday Spin”, Fun Miles ta combina compra diario cu entretenimento digital, dando participante oportunidad pa gana premionan durante e temporada di fiesta.
Pa conoce mas detaye tocante e reglanan y condicionnan di participacion, interesadonan por consulta e pagina oficial di Fun Miles.
