Pre-final di Soca ta tuma luga dia 11 y 12 di november 2026.
E competencia musical y festival mas grandi di Aruba ta yegando mas cerca y pa e motibo aki Stichting Musica kier recorda tur lider di banda y artista riba e ultimo dia di inscripcion, cual ta diahuebs awo, 29 di october.
Segun e reglamento di Aruba Caiso & Soca Monarch 2027 tur letra y informacion di banda por wordo entrega te cu november 6, 2026. Pues dos fecha importante pa tene cuenta cu ne.
Tur lider di banda a ricibi invitacion pa e ultimo reunion cu Stichting Musica lo tene cu e lidernan di banda, prome cu e evento, na unda lo repasa tur ultimo detayenan tecnico y preguntanan cu por tin. Pa pregunta of mas informacion por tuma contacto via: [email protected].
Aruba ta keda cordialmente invita pa celebra e inicio di nos temporada Carnavalesco na Aruba Caiso & Soca Monarch su Soca Prefinals riba dia 11 y 12 di november 2026 na Centro di Bario Brazil.
Entradanan ta disponibel via Pay.aw y tambe na porta Awg. 25 p/anochi. Riba Pay.aw por cumpra un pakete special pa tur dos anochi, pa solamente Awg. 40,-.
