Banco Central di Aruba (BCA) a dicidi durante e reunion di e Comite di Maneho Monetario riba 2 di october 2026 pa mantene e indice di reserva obligatorio pa banconan comercial na 12,5% entrante 1 di november 2026.
Puntonan principal:
1. Reservanan adecua
Te cu 11 di september 2026, reservanan di divisa a surpasa substancialmente e normanan cu BCA ta monitoria. Ademas, BCA ta anticipa cu e reservanan di divisa lo keda adecua durante 2026.
2. Inflacion creciente
E promedio anual di inflacion a subi pa 0,7% na juli 2026 y despues pa 1,0% na augustus 2026. Ademas, e inflacion midi na final di luna contra e mesun luna di e aña anterior a baha na prome instancia pa 2,2% na juli, pero a subi pa 2,7% na augustus.
3. Incertidumbre mundial economico
E incertidumbre mundial, incluyendo e tensionnan geopolitico persistente, por impacta e reservanan di divisa y inflacion, cu por causa desviacionnan for di e proyeccionnan cu ta fungi como punto di salida (“baseline”).
BCA ta monitor indicadornan monetario y economico di cerca y lo ahusta su posicion di maneho monetario ora ta necesario pa mantene e indica fiho di e florin na e dollar Mericano.
