Siman pasa fraccion di AVP a reacciona riba un carta cu lider di fraccion di MEP, sr Rocco Tjon, a dirigi na e fraccion aki, cu e reaccion aki fraccion di AVP ta mustra cu contrario na posicion tuma pa su coleganan y tambe di e gobierno di coalicion, ta dicidi di cumpli cu e peticion di e Parlamentario di MEP c’un serie di pregunta na su persona.
Na mes momento fraccion di AVP ta mustra Sr Tjon riba e hecho cu parti di contenido di su carta fecha 7 di februari ultimo, ta consisti di cosnan cu no ta basa riba berdad, pero ta cu su persona ta mustra madurez y disposicion politico cu e carta aki.
Den e carta fraccion di AVP ta pidi lider di fraccion di e partido mas grandi den coalicion, pa pone na disposicion di e fraccion, pa di e forma aki por hiba un discusion efectivo.
Fraccion di reaccion di AVP entre otro a pidi pa ricibi e programa di gobernacion di Gabinete Wever Croes y na mes momento pa haya e nota di maneho y prioridadnan pa aña di gobernacion 2018 reparti pa cada ministerio.
Na mes momento a pidi lider di MEP pa fraccion di AVP ricibi e concepto di proyecto di ley di instalacion di ministerionan pa 2018 y e concepto di e plan financiero pa 2018, e Financieel Economisch Memorandum (FEM), manera cu a wordo priminti y palabra cu CAFT.
Varios otro pregunta a wordo dirigi na sr Tjon pa e por pasa e contestanan manera cu su persona mes a ofrece pa haci y adhunto por mira e serie di preguntanan cu fraccion di AVP a dirigi na e Parlamentario di fraccion di MEP.
Den e carta fraccion di AVP a pidi sr Tjon pa por ricibi contesta riba e preguntanan haci no mas tarda cu 21 di februari pa di e forma aki a corto plaso habri un discusion riba tur esakinan.
