Diamars mainta nos isla a lanta muha muha. Hopi ta esunnan cu a comparti nan alegria riba rednan social na momento cu awa a cuminsa yobe. For di oranan trempan di marduga, algun area mas cu otro, a haya sorpresa di awasero.
Te cu diamars atardi 5:00PM Servicio Meteorologico (Meteo) lo actualisa nan pronostico pa e proximo 24 oranan. Adicional di un ola tropical, lo bin acompaña tambe cu stof di Sahara den nos region. Ta consehabel pa esunnan cu ta sufri di alergia of problemanan respiratorio, pa tuma bon nota di esaki.
Lo keda pendiente di e proximo aviso di Meteo pa informa e comunidad.
