Odinsa CC a cuminsa cu e trabaonan di Green Corridor na 2015, cu mester a caba siman pasa completo. Pero tin basta retraso den e proyecto. Retrasonan cu a bin door di e contratista mes, unda cu si dal un 60KV di Elmar y pa cuida redondancy di e red di coriente, tin cu para e trabao un rato, warda te ora e caba, drenta den servicio bek. Mientras tanto e trabao ta den su fase final. E trabaonan mas grandi, un di nan cual ta e brug, ta biniendo cla y tambe tur e camindanan direccion pa San Nicolas, for di Pos Chikito, por ehempel Jara, Mabon, Rooi Koochi, Brazil, Weg Sero Blanco y Weg Fontein, ta drenta San Nicolas, a haya nan capa di asfalt nobo. Awor aki ta cabando cu wegmarkering. Pa esey tin un miho iluminacion y tambe pone borchinan nobo. E parti pazuid cu ta bay core for di Isla di Oro, banda di e costa bay direccion te cu na marinierskazerne ta poni. Tambe wegmarkering ta bay cuminsa cun’e. Despues e parti di Zeewijk. Ta drenta Commandeur Pieterboerstraat, bay direccion Zeewijk pa bay San Nicolas, tambe ta cla awor aki.
Wegmarkering ta bay wordo poni. E contratista, door cu e dos ader pazuid y panort ta operacional, nan a cuminsa cu e parti di e caminda grandi mes, e parti mey mey cu ta core for di e rotonde di Pos Chikito bay direccion San Nicolas.
Nan ta asfaltando pida pida, anochi nan ta vrees y habi’e bek pa su mainta pa trafico core y e siguiente anochi nan ta pone e siguiente capa di asfalt, te ora cu nan complete full.
Naturalmente tin trabaonan grandi cu lo tuma luga ainda rond di e brug. Un siman pasa nan a haci e conexion di e caminda nobo riba e conexion cu e brug, pero tin trabaonan cu tin cu caba riba e brug, prome cu nan por pasa e trafico pa core riba e brug y pa nan por bay cuminsa drecha e caminda existente cu ta e brug bieu mes cu tin, pa convirti’e den un area peatonal y ciclismo tuma luga riba dje. Esey ta den proceso y ta aim pa fin di e luna aki e brug lo mester ta habri pa asina cuminsa traha pa e otro camindanan existente. Esey kiermen cu tin diferente trabao tumando luga. Por ripara cu a cuminsa habri diferente via.
Croes a agrega cu a cera siman pasa e pida di entre aeropuerto y Mahuma pa asina por drecha e caminda existente, esun bieu. Pone up to par, pa asina pronto por habri’e den un tipo di 4lane bay direccion di Mahuma.
Si tur cos ta bon, tabata tin un reunion cu gerencia, e vice presidente di Odinsa diabierna cu a pasa, unda cu ta informa cu nan lo aim pa finalisa e proyecto dia 15 di November di e aña aki. Ainda tin basta trabao pa wordo haci. Diferente audit tin cu tuma luga, unda cu compania di afo tin cu bin, den nomber di e lendernan, pa haci diferente audit riba e proyecto, pa asina por release e trabao pa bisa cu e ta ok pa disponibilidad.
