E aña aki e Festival un canto pa himno y bandera a conoce dos dia completamente di talento local, talento Rubiano, talento cultural. Comision organisado di Festival un canto pa himno y bandera ta contento di por a deleita henter comunidad.
E Festival un canto pa himno y bandera infantil, hubenil y adulto 2021 tabata uno diferente, e no tabata manera ta custumbra. Aaron Arenas, organisado di Festival un canto pa himno y bandera, a indica cu mester a cumpli cu e reglanan di Crisis Team y departamento di Salud Publico (DVG). P’esey a celebra e festival di e forma aki.
Pa loke ta trata e parti di infantil hubenil, ta prome biaha virtual di e festival di himno y bandera. E acogida tabata tremendo y a conta cu participacion di binticuater cantica, pero binticinco cantante pasobra uno tabata duo. Tabatin shete agrupacion musical. Arenas ta sinti cu e cultura ta den nan y sigui participa den e festival.
E ganadonan di categoria ta como lo siguiente:
Categoria 4-6:
1. Ian Tromp cu 3315 punto.
2. Qu-Lainey Jansen cu 3295 punto.
Categoria 7-9:
1. John-Maynard Wever cu 3510 punto.
2. Akyrah Margarita cu 3150 punto.
Categoria 10-12:
1. Caylee Pietersz cu 3545 punto.
2. Jaylon Machado cu 3455 punto.
3. Mary-Jane Bueno cu 3395 punto.
Categoria 13-17:
1. Jaydiene Croes cu 3460 punto.
2. Jorienne Angela cu 3310 punto.