Banda di 5’or y mey di diaranson atardi, varios habitante den bario di Siribana a scucha un sla basta fuerte. Esey tabata e momento cu un Toyota Celica cora lo a dal den un Chevrolet Aveo blauw net dilanti Jumbo Bar and Restaurant na Siribana Santa Cruz.
Na e sitio mes tabata tin diferente version di con e accidente a pasa, pero ta sospecha cu e chauffeur di e Chevrolet tabata bou di influencia di alcohol. Ora polis di trafico a yega na e sitio, a pone e chauffeur di e Chevrolet supla y e test a sali malo p’e. Aki polis a detene e chauffeur di e Chevrolet y a laga transportwagen hib’e warda di polis unda e lo tin di presenta dilant’i un sub-fiscal y duna cuenta di su actonan.
