Dialuna den careda di 3:30pm un accidente a tuma luga na e crusada di Ponton. Aki ta caminda cu e chauffeur di un Hyundai Getz, nr. A-24576 a subi caminda sin duna preferencia na e chauffeur di e MG color cora nrA- 5688 cu tabata riba caminda bayendo direccion Tanki Flip.
Como consecuencia di esaki, e MG a bay dal den e Getz cu a subi su dilanti y como consecuencia di esaki, e Getz a bay dal den un Mitsubishi Lancer color shinishi nrA-71874 cu tabata wardando su turno pa subi caminda.
Un menor di edad den e MG tabata keha di dolor debi cu e airbag a dal’e. Polis di trafico a presenta pa tuma datos.
