Dentro di poco, FADA (Fundacion Anti Droga Aruba) lo cuminsa bek cu e serie di documentario basa riba bida real. Un temporada nobo cual ta cla pa cuminsa un biaha mas.
Esaki lo bira e di cinco aña cu FADA ta haci esaki riba topiconan di adiccion y salud mental. E aña’ki, FADA ta bay tin un episodio di un persona cu lo conta su storia, na unda algun aña pasa el a haya su mes confronta den un accident cu un automobilista bao influencia. Nan a accidenta frontal, anto e persona aki tabata na caminda pa trabao.
Pa e hecho aki FADA a saca su trailer pa asina pueblo di Aruba por tin un bista di loke lo bay tuma luga proximamente.
E documentarionan aki lo pasa na nos canalnan di television local y riba red social.
