Exprodesk den colaboracion cu Asociacion di Musico y Artista Arubano (AMAA) y orador invita sr. Mr. David Kock a presenta e tayer di Derecho di Autor & Regalia (Royalties).
Departamento di Asuntonan Economico, Comercio y Industria (DEZHI) y su unit Exprodesk ta conduciendo dos proyecto grandi, cu ta e Proyecto di Industria Creativo y e proyecto di Sectornan di Servicio. E tayer di Derecho di Autor & Regalia (Royalties) a wordo duna den cuadro di e Proyecto di Industria Creativo.
E Industria Creativo ta un sector potencial pa sigui desaroya na Aruba pa asina bende creacionan local den mercadonan internacional. Exprodesk como un ‘Export Promotion Desk’ tin como obhetivo pa contribui na un desaroyo economico sostenibel atrabes di e capacitacion di nos empresarionan cu interes pa exporta door di duna informacion, guia, consulta, training y facilita diferente tayernan cu topiconan actual. Pa e motibo aki, Exprodesk a brinda e oportunidad na tur persona di e Industria Creativo cu tin pregunta of cu kier sa mas over di Derecho di Autor y Regalia (Royalties) pa por a participa na e tayer aki cu tabata completamente gratis.
DEZHI atrabes di Exprodesk kier a gradici sra. Nicole Booi, sra. Maybeline Arends, sr. Victor Mathilda y sr. Sergio Tjie-A-Loi di AMAA pa e tayer tocante Derecho di Autor y sr. Mr. David Kock pa e tayer tocante Regalia (Royalties).
Exprodesk den conhunto cu Oficina di Propiedad Intelectual (OPI) y Defiant Concepts kier hasi uzo di e oportunidad aki tambe pa invita tur interesado pa e dos tayernan di dia 22 di maart, 2018, for di 9or di mainta te cu 12or di merdia na Departamento di Asuntonan Economico, Comercio, y Industria, cu ta situa na L.G Smith Boulevard #160, na edificio di Sun Plaza, riba segundo piso. E tayernan aki ta consisti di dos topico c uta ‘Copyrights’ y ‘Raise your Digital IQ’.
E tayernan aki ta completamente gratis, pero e espacio ta limita. Pa e motibo aki nos ta pidi participantenan pa hasi nan registracion na tempo. Pa registra por mail sra. Sharon Meijer via na [email protected]. Pa mas informacion por bishita nos website www.exprodesk.com of nos facebook page www.facebook.com/exprodesk.
