Directiva di Centro di Bario Playa Pabao ta invita habitantenan di Playa Pabao pa un anochi informativo den e Centro. Topico ta: Bo Compartacion Den Trafico. Ta cuminsa anochi pa 7’or y ta termina pa 8.30. Tur cos ta depende di e preguntanan. Moderador ta Wilfred Hart.
Hart un polis (un biaha polis semper polis) cu un trayecto impresionante di a sirbi su pueblo pa 35 aña y awo disfrutando di su pension. Pa mas informacion por lesa su cv. Si bo tin pregunta di e.o reglanan di trafico, preferencia y ki ora bo ta pone “signal light’ na un rotonde bo mester ta presente diahuebs anochi, 7 di september, pa 7’or na Centro di Bario Playa Pabao.
C.V. di Wilfred Hart
– Na aña 1980 despues di a traha tres aña na e departamento uniforma na Santa Cruz mi a wordo traslada pa e departamento di trafico na Balashi na unda mi a sigui curso na Corsou pa atende cu accidente y mas despues mi a sigui curso di trafico mas avansa na Hulanda.
– Despues di 11 aña na departamento di trafico mi a labora na Centrale Post y despues Recherche Oranjestad y mi a regresa na departamento de Trafico na Balashi na aña 1997.
– Despues cu e ley di trafico nobo cu ta e Landsverordening Wegverkeer y e Landsbesluit a drenta na vigor den aña 2000 mi a tene e coleganan di tur departamento uniforma na haltura di e cambionan den e ley di trafico nobo aki.
– Na aña 2000 mi a bira miembro di “Stichting School Verkeerscommissie Aruba unda mi a traha lesmateriaal di trafico nobo pa e scolnan basico y mi a duna les na e maestro nan di 5de klas.
– Mi a traha diferente bukinan di trafico manera;
a. Buki cu e borchinan di trafico na Papiamento y Hulandes.
b. Buki pa examen di rijbewijs cu preguntanan na Papiamento y Hulandes.
c. Buki di educacion di trafico pa e scolnan basico cu e number “Veilig, Prettig en efficiënt”.
d. Un buki di trafico na Papiamento cu e nomber “Nos Carioca”
– Mi a duna lezing di trafico basa riba e cambio nan di e ley nobo na e.o. Personal di Rafinaderia Valero, De Palm Tours, Women’s Club, OPPA, miembronan di Bubali Sport Club.
– Mi a duna curso di V.R.O. ( con pa core defensivo y sigur ora tin cu bay cu urgencia na un luga di accidente of otro) na polisnan uniforma di Aruba.
– Na aña 2005 mi a traha como Projectleider na e oficina unda ta pasa examen pa tur categoria di rijbewijs.
– Na aña 2010 despues di a traha 35 aña den Cuerpo Policial di Antia y Aruba mi a baha cu pensioen.
